ريحـة الـورد
مني سلامي احمله لجـل عينـك
ومني غرام الود ياريحـة الـورد
هذي يمينـي صافحتهـا يمنيـك
أشواق حبن بيننـا فيـه نسعـد
دمعن جرى يكفيه أنـه عوينـك
أخّبرك وشلون جاوبنـي الوجـد
كاني أشوفه عايشه فـي سنينـك
أوصل بها تسعين قاف(ن) بلاسرد
ياللي عطيتي الحب راحة يدينـك
وياللي خذيتي الروح مني بلا جهد
أسلبتني فكرن غدى هـو رهينـك
ثارت شجونه في خوافيـه تشتـد
مد الهوى أرجوك بينـي وبينـك
لاتقطعه باليـاس ياريحـة النـد
يأم العيون السود وجنـة جبينـك
كل الخجل مرسوم في حمرة الخد
عطني نظيرك بالحلا من بزينـك
ترضي بها كل الليالي عن البعـد
ياملهمة روحي وحياتـي بلينـك
ياغاليه وشلون أكتب لك المجـد
شوفي غرامي اليوم أصبح سجينك
نفسي على ماقيل مابيحـت سـد
أنثر كلامي في رجـاوي تعينـك
ماتنهي الاشواق عندي بلا وعـد
هذا سرابك فـي عيونـي يبينـك
قطر الندى ينزل كما طيب الشهـد
ودي أضمك وأنتهي فـي حنينـك
خذني انا أنسان ميت مـن البـرد
هذي وصاتـي أعتبرهـا تدينـك
مدري جزرت اليوم والا أنا أمـد
شعر:ماجدالراشد
منقول