الشخصيـــات :
( يسبق كل جزء الشخصيات المتواجده فيه .. حتى لا تختلط عليكم .. ) :
مرهف : (( اللي هو انا )) << محاتسيكم .. خخخ
أبوي / الوالد .. << سبحان الله ههههههه ( هلالي )
فهد / الأخ الأصغر مني يدرس في الجامعة .. فيه نسبة من الهياط ومابراسه شي .. ( ماله في الكورة ) ..
سعود / الأخ الأصغر من فهد متدرب في مستشفى خاص تخصص صيدلة .. راعي مغازل .. ( أكيد هلالي خخخخ ) ..
عمر / الأخ الأصغر من سعود .. ثالث ثانوي .. مثقف ويتكلم في كل شي .. ( نصراوي مثلي ) ..
وعد / 12 سنة تدرس في صف خامس ..
صوفيا / خدامتنا .. ركبتي أحلى من وجهها .. احاول ما اشوف شكلها بالليل ههههههه
وليد / صديقي ..
طه / استاذي في المعهد .. مصري نصااااب ..
أم حمد / جارتنا
الجــزء الأول :
استيقظت من النوم قرابة الساعة الثالثة عصرا .. وبعد ما استقظت < يا ثقلها خخخ
أخذت دوشن .. < بالفصحى ..
وأقصد بها أخذت دش .. يعني تسبحت وتروشت .. << إخلص علينا ..
وقبل إنصرافي لمعهدي المحترم وأثناء تناولي لوجبتي الغدائية < من كلمة غداء ..
في غرفتي .. لأن بيتنا يعجّ بالنساء اللي بصررراحة كثرنها ولا يستحن على وجيههن ..
بالله عليكم في أحد يسيّر الساعة ثلاث العصر على وقت الصلاة .. ؟؟
اللي يشوفهن يقول كأنهن جالسات عند باب بيتنا من الظهر ينتظرن البنك يفتح خخخخ ..
المهم وانا في عز الدرعة بالغداء .. وفجأة وبدون مقدمات بدون استذان وبدون طرق الباب ..
دلفت أمي الباب بقووووة ودخلت علي في غرفتي مسرعة .. !!!!
مرهف وفيه بعض الخرعة : خير يمه .. وش صاير .. ؟ ليه مسرعة عسى ماشر في شيء .. ؟؟
أمي مستغربه : لا يا وليدي مرهف مافي شين وش بلاك أنت .. ؟
مرهف : أجل أكيد تلعبين حبشة ولا غميمه مع خوياتس نساء الحارة !!!
وقمت وفتحت الدولاب وقلت لها : تعالي إنخشي هنا لا تشووفك أم حمد .. !!!
أمي : مرهف إنطق وبلاش قلة أدب .. !!
مرهف : لا لا من جد يمة .. ترى بصراحة وضعكم يا هالحريم مزري .. مابقى إلا تلعبن كورة
بالحوووش .. !! إلى متى وأنا أحتسي عليكن خلاص عاد .. !!
أمي : لا تقووم تلوص .. واستح على وجهك .. هذيلن مثل خالاتك وعماتك .. !!!
مرهف : خخخخخخ .. يا بنت الحلال هذيلن فاضياااات وما عندهن غير الفصفص والحش .. !!
أمي : يا وليد لا تكثرها .. إسمع تراني أبروح أخطب لك باتسر .. !!
مرهف : أيوووواااااااااااا .. أنا أقول ليه جايتني وتاركه خوياتس نساء الحارة يدرعن بالفصفص ..
أكيد خلصتن حش ولا لقيتي غيري .. صح .. ؟؟
أمي : ياوليدي أنت صاحي .. غديك طايح بالبلاوي << قووووية .. تعرفون وش قصدها خخخ ..
شه غاد إزحف وراك .. أنت اليوم مانت صويحي .. !!
مرهف : أها عاد .. بدينا بالغلط والإشاعات يعني ..وش بلاويه .. ؟ وشقصدتس .. ؟
خليكي قد كلامك ولا تجحدين .. عيدي كلامتس مرة ثانية .. !!
شوفي يا بنت الأجواد صحيح إنك أمي بس ترى أنا ما أرضى على حالي خخخ ..
أمي : مرهف وليدي .. أنت توجس شين .. يا قليل الأدب وشلون تسولف مع أمك كذا .. ؟
مرهف : نمززززززح يا الدوبة .. زعلت يا حلوووو .. أقول لا تصدقي إنك حلوووة ثم تطلبين جوال كاميرا خخخخخ ..
أمي : هاه وش قلت بخطب لك بكره .. ؟
مرهف : لا لا .. يمه .. بدري تو الناس .. !!
أمي : ليه تو الناس .. ؟
مرهف : يمه أنتي تدرين إن عمري الحين حول الـ 25 سنة .. يعني من هنا إلى سبع أو ثمان سنوات .. فكري تخطبين لي .. !! خخخخ ..
أمي : لا والله مانت صاحي اليوم .. منهبل .. أكيد تاكل حبوب ..!!!!!!!!!!!
مرهف : أيوة قوليها من زمان .. بس شوفي خليكي قد الكلام وأنا ماراح أسكت على الإتهام
الخطير والمباشر .. !!!
أمي كانت تبي تطلع من الغرفة ويوم سمعت كلامي تنرفزت وعصبت علي وقالت :
كمل غداك وطس لمعهدك ترى اسحب عليك سلك ( الكبيوتر ) << .. وامسردك به لين تدوخ .. !!
مرهف : أجل اسمه ( كبيوتر ) هههههههههههههههه ..
أمي : أقول كل هوى يا الهايت .. يا فيد الحبوب .. !!!
مرهف : لحظة .. لحظة .. يا وعد .. وعد .. وعد وصمخ إن شاء الله .. !!
وعد : هاه .. وش تبي .. ؟
مرهف : وجعااااه .. تعالي بساع ... !
وعد دخلت الغرفة : هاه وش تبي .. ؟
مرهف يأشر على الكمبيوتر : هذا وشو .. ؟
وعد : انقلع بس ..
مرهف : والله اتكلم من جد .. هذا وشو .. ؟
وعد : كمبيوتر يعني وشو ..
مرهف : ليه ما تعلمين امك انه كمبيوتر .. ههههههههه
أمي وجهها صار احمر : ليه ماتسكت انت .. ؟
مرهف : بالله عليكي يا أمي المحترمه .. كم عمرك .. ؟ منو أكبر أنتي ولا بنتك وعد .. ؟ هههههههههه
أمي : تراك أوجعت راسي ..
مرهف : ليه تزعلين من الحق .. ؟ انتي أكبر من وعد ومني انا بعد .. ومن كل أخواني ..
ولا تعرفين تقولين كمبيوتر .. !! والله كاارثة .. خخخخ
أمي خربتها وهي طالعة من الغرفة : تفووووووو على هالتجرة .. والله انك قاضي يا حظي .. اعرفك من الحبوب اللي تقرشها ..
مرهف لحق بها إلى الصالة : لا يكون مصدقة إني آكل حبوب .. ؟
أمي : أقول أنزلع وراك ..
مرهف : طيب قولي ( كممبيوتر ) خمس مرات وبسرعة هههههههههه
أمي : مرهف عمى ان شاء الله اقول طس وراك .. طس لمعهدك لا بارك الله بهالخشة .. !!
مرهف : زين لا تنفخين . . !!
طلعت من البيت وأثناء طريقي للمعهد قاعد أسأل نفسي : صحيح انا آكل حبوب .. ؟
غريبة .. وشلون أمي تقول إني آكل حبوب وأنا ما أذكر .. !!
أقووول بلا خبال يا مرهف .. لازم تحترم وجهة نظر أمك .. ولازم ترضخ للأمر الواقع إنك تاكل حبوب .. حتى لو ما أكلت .. !!
بعد ما طلعت من المحاضرة ..
أحد الطلاب : الأخ مرهف .. ؟
مرهف : سم آمر ..
أحد الطلاب : استاذ طه يبيك في مكتبه ..
مرهف : طيب .. ولا هنت ..
مرهف و باب مكتب الاستاذ طه : طق طق طق ..
الاستاذ : مين اللي بيخبط .. خوش يلاااا
مرهف : السلام عليكم استاذ طه
الاستاذ : وعليكومي السلام .. اتفضل اقلس < بالمصري
مرهف : آمر استاذ زهمت علي .. ؟
الاستاذ : إنتا عارف إنك بتدرس في المستوى التالت ..
مرهف : وش رايك يعني .. ؟
الاستاذ : لا لا أن مابقصدشي .. بس لازم تعرف إزاي تنتئل من مستوى للي بعديه ..
مرهف : طيب وش الطاري يا استاذ ماني فاهم ..
الاستاذ : ايه يا مرهف انتا متعرفشي إنو بكرة حتخلص المستوى التالت ..
مرهف : اهااااااااااااا .. يا استاذ الله يهديك صار لك ساعة تلف وتدور قل من أول .. ع العموم انا يا استاذ اكتفي بالمستوى الثالث ولا فكرت أكمل .. يعني بكرة أجي آخذ شهادة المستوى الثالث وأتوكل على الله .. انا ما اقدر أكمل دراسة ..
الاستاذ : ايه الكلام اللي انتا بتؤوووله .. ؟ ما يصحش يا مرهف إنتا محتاق تدرس للمستوى السابع عشان تكون استفدت من المعهد .. !!
مرهف : يا أستاذ انا قلت لك ما أقدرر أكمل .. يعني ما أقدر أكمل .. !!
الاستاذ : هو حصل إيه يا مرهف .. ؟
مرهف : لا إله إلا الله .. قلت لك ماعاد انا مكمل لو بلاش زين .. !!
الاستاذ : بلاش إيه .. ومين اللي آل إنك حتكمل بلاش .. ؟ كل حاقه هنا بفلوووس .. !!
مرهف : وش فيك اليوم .. أقول لك ماني مكمل لو بلاش .. تقول مافي بلاش .. ؟ شكلك ما أكلت طعمية اليوم .. !!
الاستاذ : بلاش هزار .. إمشي من هنا .. آل مش عايز أكمل آل ..
مرهف : طيب لا ترفع صوتك .. ولا تمد يدك ترى أجي أثنيها لك ..
الاستاذ : إطلع من هنا أحسن أنده لك الأمن يمرمطووك .. !!
مرهف بلع العافية : أخس يالمصري يوم عرفت إني ماني مكمل قمت تهايط ..
الاستاذ : تهايط دي معناها ايه .. ؟
مرهف: معناها بتوطا في كرشتك يا ابو الطعمية .. !!
الاستاذ زهق : تعالا بكرة خد شهادتك .. ومش عايز اشوفك تاني ..
مرهف : ليه أجي بكرة .. الشهادة بلها واشرب ميتها وطز فيك وفي معهدكم النايم .. !!
الاستاذ وهو رافع سماعة التليفون : توز فيك انتا يا أليـل الأدب .. !!
مرهف طلع وعرف الوضع انه خطير : الله لا يبارك لا فيك ولا برجال الأمن .. !!
من المعهد للإستراحة :
مرهف : ألووو وليد ..
وليد : هلاا مرهف أررررحب يا ذيبان ..
مرهف : وين انت .. ما تبينا نطس للنادي .. ؟
وليد : إلا .. دقايق وأكون عندك .. !!
مرهف : تعال لي للاستراحة ..
وليد : اووووك ..
مرهف : بساااااااااااااااااا اااااااع ..
وليد : قلنا اوووكي مرهف ..
وليد يضرررب بوري عند باب الاستراحة :
عامل الاستراحة : مرخف في نفر سوي بوري برا .. !!
مرهف : سرحااااااااان مايسمع البوري ..
عامل الاستراحة بصوت عالي : مرررررررخف ..
مرهف مخرووع : الله يقلعك خرعتني وش بلاك ..
وليد معلق على البوري : طوووووووووووووووططط ..
مرهف : ايه ياخي قل في واحد برا ..
عامل الاستراحة : انا واهد ساعه في كلام انتا ما يسمع .. !!
مرهف : طيب طيب طالع له ..
وليد : ياخي وش بلاك تأخرت ..
مرهف : والله مسطل يا رجل ..
وليد : ليه عسى ماشر ..
مرهف : مافي شي بس اطلع للبيت عشان أغير ملابسي ..
وليد : مانت صاحي اليوم .. بك بلااا ..
مرهف : اعوذ بالله منك .. حتى أنت بعد .. ؟ قل آكل حبوب بعد .. ؟؟
وليد : سم الله .. أعوذ بالله من الشيطان وشبلاك انلذعت .. ؟
مرهف : اقول اطلع لبيتي خلني اغير ملابسي ..
وليد : طيب طيب ..
في المنزل :
مرهف : صوفياااااااااااااا .. صوفياااااااااااااااا اا .. !!
صوفيا : ايواااا ايش تبين .. ؟
مرهف : تقولين لي وش تبين .. تكلمين خدامة أنتي ؟؟ قولي وش تبي .. !!
صوفيا : ايش تبين .. ؟
مرهف : يا حلاة من عطاس مخمس وقلب وجهك نانسي عجرم .. روحي هاتي ملابس النادي .. يالله .. بسرعة .. !!
وعد وهي شايله صينية الشاي : مرهف تعال غرفنا العشاء .. !!
مرهف : روحي لأغط راسك بالبريق .. ! يعني تعزميني على عشاء .. ولد جيرانكم انا .. ؟؟!!
وعد : اقول بس انقلع ماغير تهاوش انت .. ؟
مرهف نقد على نفسه : وعد حبيبتي وش عشاكم .. ؟
وعد : مليحية < منسف .. تهبل .. !!
مرهف : ألووو وليد .. بالله خذ لك عشر دقايق وتعال ..
وليد : ليششششش ؟
مرهف توهق : انتظر فانيلتي تطلع من الغسالة خخخخخ .. !!
وليد : طيب بسيطة .. مع السلامة ..
وعد : يالله غسل وتعال قبل يدرعوووون بالعشاء .. !!
مرهف : طيب ..
في صالة الطعام ( المقلط ) وبعض أفراد العائلة مجتمعة :
مرهف : السلام عليكم كلبوووكم من أصغركم أختي وعد إلى أكبركم أبوي .. !!
العائلة : عليكم السلام ..
مرهف : بالله عليكم ماتحسوون اليوم إن أمي مخربتها .. ؟
أبوي : ليه وش معنى .. ؟
مرهف : صار لها سنة وهي ماغير تعشينا لبنة وجبنة وزيتون خخخ.. !! يعني هي اللي طابخته ههههه
أبوي : ههههههههههههههه والله انك صادق .. يامرهف الله يقلع سوالفك .. لا وتلقاها تقول أقوم أسوي لكم عشااء .. يعني طبخت ههههههههههههههه ..
أمي : ليه والمكدووس والجبنة ماهي نعمة .. ؟
فهد : إلا يمه نعمه .. بس أبوي قصده ما أذكر إنك طبختي عشاااء .. والمكدوس والجبنة كلها جاهزه ..
أمي : والله ما يعجبكم العجب .. احمدوا ربكم على النعمه غيركم مو لاقيها ..
مرهف : اقول وراى ما تزحف يا عمر .. ؟
عمر : ليه شايفني عرربجي خخخخخخخخخخخخخ
مرهف : هههههههه خخخخ تنكت أنت ووجهك .. أقول أزحف لي بتعشى مسوي منسم أنت ووجهك .. ؟
عمر : أبشر يا أبو نفسيه ..
فهد : أنت يا مرهف تراك مسوي زحمه .. تعش وانت ساكت .. !!
أبوي : شبلاكم عليه خلووووه وش تبون فيه .. !!
مرهف : هلا والله .. فزززاع الوالد .. كفووووو .. إيه عندك اياهم ..
أبوي : وش رايك .. ؟
مرهف : تصدق يا أبوي العزيز إنك كبير بأخلاقك وتعاملك مع أبناءك .. ههههههههههه
عمر : العن اوم الترفيع .. !!
مرهف : اسكت يا قليل الأدب .. !! هذا أبوك الكبير ههههههههه .. << شلون تتكلم على أبوك اللي أكبر منك وأعقل منك .. عيب عليك .. هههههه
عمر : هههههههههههه أما أكبر مني .. ؟ تصدق توني أدري . !!
أبوي : تستخف دمك يا عمر .. ؟
فهد : يا أبوي العزيز والمحترم ...
أبوي : اقول اسكت انت بعد مسوي لي فيها مرهف << هههههههههه
فهد : زين آسف ..
مرهف : هههههههههههههههه طاح وجهه وااااااااااو .. قسم إنك أحسن أبو بالعالم .. وش رايك تصير خويي .. ؟؟ ههههههههههههه
أبوي : بالله يا مرهف دق علي وقفل عشان أخزن رقمك هههههههههههههه
أمي : الحمد لله والشكر .. وش بلاك يابو فهد انهبلت .. ؟
أبوي : ليه ماتبيني أخزن رقم جوال خويي الجديد .. ؟ ليه حركات الغيره .. ؟ يعني لازم تخربين العلاقات بيننا .. ؟ ههههههههه
أمي : وش تخبصون انتم . ؟
أبوي : ولا عشان جوالتس الكشاف ومافيه شحن خخخخخخ ..
مرهف : هههههههههه زااااااااحف .. ياخي أنت أبو غريب عجيب ..
فهد يوشوش بإذن عمر : أبوي إنهبل خخخخخخخ
عمر بصوت عالي : وش فيه أبوووي .. ؟
فهد توررط : والله ونعم رجال ما شفنا منه إلا كل خير ..
أبوي : أفا يا فهد .. والله ما هقيتها منك .. !!
فهد : لا تفهم غلط يا الحبيب .. !!
أبوي : أقول إمسح رقمي ..
فهد : ههههههههههههه أصلا مو مخزن عندي ..
أبوي : إطلع براااا المقلط ..
فهد : كلها منك ياعمر ورطتني ..
مرهف بصوت خافت : زعل وعصب الخووووي .. !!
أبوي : قلت شي مرهف .. ؟
مرهف : لا سلامتك ..
أمي : وش فيك يا بوفهد خله يتعشى .. !!
أبوي : شكلك تبين تلحقينه .. ؟
أمي : لا لا من قال ؟ .. خله يولي يعني يبي يموت من الجوع .. اسمع كلام ابوك واطلع برااااا .. !!
فهد وهو طالع من المقلط : يلعن اوم الديكتاتورية اللي عندك يا ابو مرهف .. !!!!!!
أبوي : أقول إنقلع وراك .. وراح تصدر في حقك عدد من القرارات التعسفية ..
فهد : أزحف يا وزير الداخلية ..
أبوي : أنا أوريك .. بكرة في إجتماااااع عاجل للعائلة حول هذا الموضوع .. وبتشووف .. يا مهايطي ..
جوال مرهف : ترررررن تررررررررن ..
مرهف : هلااا وليد ..
وليد : انا عند الباب ..
مرهف : يالله طالع لك .. تو الغسالة وقفت خخخخخخخ
وليد : زين اطلع ..
أبوي : وين يا مرهف .. ؟
مرهف : هلاا ذيبان .. أررحب يالخووووي .. !! وليد خويي عند الباب بنطلع للنادي .. تبي شي يالذيب .. ؟
أبوي : سلامتك بس انتبه على رووحك .. !!
مرهف : ان شاء الله ..
عمر : يلعن اوم الدلع يا شيخخخخخخخ .. أول مرة أشوف واحد يدلع أكبر عياله خخخخخخ ...
أبوي : أقول صب لي ماء ولا تكثر هررررج ..
مرهف : وش معرفك يا عمر .. المووووضة إن الدلع للكبير .. راحت على الصغار .. يعني راحت عليك ههههههههه ..
أبوي : ما عليك منه يا مرررهف ..
مرهف طلع من المقلط : يا صوفياا هاتي الملابس بالحوووش ..
صوفيا : زين الهين .. < الحين
فهد بالحوش يمسك مرهف :