طريقة طبخ مفطح مندي بالصور

امنيه لي من زمان وهي طبخ الذبيحه في البيت تعرفون مع الغربه كل شي يصير هههههه

في البدايه يا اخوات لا تنسون ذكر الله بارك الله فيكم

نبداء بالطريقه


خروف منظف ومغسول جيدا واليدين كانت مفصوله عنه مع الراس

نضع في قدر كبير ماء حتى يغلي ونضع فيه الخروف مع بصل مقطع قطع كبيره وعدد من فصوص الثوم

وبهارات حب ( قرفه – هيل – كزبره – فلفل اسود – مسمار – ورق غار ) وقطع كبيره من الفلفل الاخضر



يترك على النار بعد مرور بعض الوقت نضيف عليه صفار الزعفران كميه مناسبه

لانه بيكون مندي فحلو لونه يكون اصفر وملعقه كبيره بهارات مشكله وملعقه صغيره فليفله حمراء ومثلها ثوم مطحون

ونصف ملعقه صغيره فلفل اسود ومثلها كزبره مطحونه


وعندما يقارب النضج نضع الملح تقريبا ثلاث ملاعق او على حسب حجم الخروف

عندي الخروف ما اخذ وقت طويل بالنضج ماشاء الله من ساعه ونصف الى ساعتين فقط وهو ذاااايب






ترفع اليدين في صينية فرن مع بعض المرق علشان لاتنشف اللحمه



وكذلك المفطح في صينيه ثانيه مع الراس لا تتوقعون خرفان باكستان براسين ههههههههههههه

والا من الغرائب سبحان لله لا هذا راس لذبيحه ثانيه حبيت اطببخهم كلهم مره وحده



لا تدققون يالحبايب هذا السيم علشان نقدر نرفع المفطح من القدر وينشال عند النقديم


تدخل الفرن حتى تتحمر ترى الصوره ما ادري كيف جت لكن لون المفطح تمام مو محروق



وهنا اليدين بعد التحمير



نغطي الصينيه بالقصدير مع فتحه بالطرف اللي يكون فيه صحن الزيت توضع الفحمه فيه



ونسكر القصدير تمام علشان تطلع نكهة المندي تماااام

بكذا انتهينا من المفطح نشوف الرز

يقطع البصل قطع صغيره ويوضع عليه الزيت+ ملعقتين من الودك ( شحم الخروف المذوب )

انا استخدم شغل بيت اخذ شحمة الخروف واقطعها واتركها في قدرعلى نار هادئه حتى تذوب تماما

وبعدها اصفيها في علبة واحفظها بالثلاجه لحين الحاجه لذيذه نكهتها مع رز العزايم والمفاطيح

يحمس البصل حتى يذبل ويتغير لونه قليلا نضيف له البهارات الحب ( قرفه- فلفل اسود – هيل – مسمار )




يكون الرز مغسول ومنقوع نصف ساعه نضعه على البصل ويقلب في الزيت

حتى تكون حبات الرز تلمع من الزيت وياخذ نكهة الودك والبهارات

ونضيف له الملح على حسب الكميه كل كايس رز نصف ملعقه كبيره ملح






نضيف له الماء بالكميه المناسبه




ويترك على نار متوسطه حتى يبداء يتشرب الماء نهدي النار

ونغطيه بقصدير




وبعد النضج تمام نضيف على الوجه صفار زعفران ونقلبه

علشان ياخذ لون اصفر مع الابيض ونضع في منتصف القدر فنجال زيت

ونضع الفحمه ونغطيه بالقصدير جيدا حتى يتشرب رائحة الجمر



يترك عشر دقائق ويغرف في صحن التقديم




ويوضع على الوجه المفطح ويزين الوجه حسب الرغبه

انا استخدمت الكبده والكلاوي سلقتها وقطعتها شرائح

وحطيتها على الوجه والكرشه والمصران نظفتها جيدا

وما ارتاح حتى انظفها انا بيدي علشان اضمنها

سلقتها بمويه وكمون وبهارت حب وصفيتها وحطيتها على الوجه

وبيض مسلوق وشرائح طماطم وليمون ومكسرات محمصه




تقدم مع السلطه المشكله والبارد



وهذي بعد صور






واعذروني بنات الصور مشكله من زمان عن تصغيرها وتحميلها

شي كبير وشي صغير

غير كذا اعتذر لاني ماقدرت اصور سفره العشاء ماكان بالبيت ولرجال بعد

فالحمد لله لحقت اصور كم صوره على الطاير لعيونكم



اتمنى تكون وضحت لكم الطريقه وورنا ردودكم وتطبيقاتكم كذلك

والله سهله ومايبي لها تعب خصوصا لو تاخذون خروف حجمه صغير او تيس

منقوووووووووووووووووول